Hamin Se Apni Nawa Ham-kalam Hoti Rahi
hamin se apni nawa ham-kalam hoti rahi
ye tegh apne lahu mein niyam hoti rahi
muqabil-e-saf-e-ada jise kiya aaghaz
wo jang apne hi dil mein tamam hoti rahi
koi masiha na ifa-e-ahd ko pahuncha
bahut talash pas-e-qatl-e-am hoti rahi
ye barhaman ka karam wo ata-e-shaiKH-e-haram
kabhi hayat kabhi mai haram hoti rahi
jo kuchh bhi ban na paDa 'faiz' luT ke yaron se
to rahzanon se dua-o-salam hoti rahi
Faiz Ahmad Faiz 
(2410) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544