Hum Musafir Yunhi Masruf-e-safar Jaenge
hum musafir yunhi masruf-e-safar jaenge
be-nishan ho gae jab shahr to ghar jaenge
kis qadar hoga yahan mehr-o-wafa ka matam
hum teri yaad se jis roz utar jaenge
jauhari band kiye jate hain bazar-e-suKHan
hum kise bechne almas-o-guhar jaenge
nemat-e-zist ka ye qarz chukega kaise
lakh ghabra ke ye kahte rahen mar jaenge
shayad apna bhi koi bait hudi-KHwan ban kar
sath jaega mere yar jidhar jaenge
'faiz' aate hain rah-e-ishq mein jo saKHt maqam
aane walon se kaho hum to guzar jaenge
Faiz Ahmad Faiz 
(4605) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544