Kai Bar Is Ka Daman Bhar Diya Husn-e-do-alam Se
kai bar is ka daman bhar diya husn-e-do-alam se
magar dil hai ki is ki KHana-virani nahin jati
kai bar is ki KHatir zarre zarre ka jigar chera
magar ye chashm-e-hairan jis ki hairani nahin jati
nahin jati mata-e-lal-o-gauhar ki giran-yabi
mata-e-ghairat-o-iman ki arzani nahin jati
meri chashm-e-tan-asan ko basirat mil gai jab se
bahut jaani hui surat bhi pahchani nahin jati
sar-e-KHusrau se naz-e-kaj-kulahi chhin bhi jata hai
kulah-e-khusrawi se bu-e-sultani nahin jati
ba-juz diwangi wan aur chaara hi kaho kya hai
jahan aql o KHirad ki ek bhi mani nahin jati
Faiz Ahmad Faiz 
(7181) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544