Na Ganwao Nawak-e-nim-kash Dil-e-reza-reza Ganwa Diya
na ganwao nawak-e-nim-kash dil-e-reza-reza ganwa diya
jo bache hain sang sameT lo tan-e-dagh-dagh luTa diya
mere chaara-gar ko nawed ho saf-e-dushmanan ko KHabar karo
jo wo qarz rakhte the jaan par wo hisab aaj chuka diya
karo kaj jabin pe sar-e-kafan mere qatilon ko guman na ho
ki ghurur-e-ishq ka bankpan pas-e-marg hum ne bhula diya
udhar ek harf ki kushtani yahan lakh uzr tha guftani
jo kaha to sun ke uDa diya jo likha to paDh ke miTa diya
jo ruke to koh-e-giran the hum jo chale to jaan se guzar gae
rah-e-yar hum ne qadam qadam tujhe yaadgar bana diya
Faiz Ahmad Faiz 
(5197) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544