Rang Pairahan Ka KHushbu Zulf Lahrane Ka Nam

rang pairahan ka KHushbu zulf lahrane ka nam

mausam-e-gul hai tumhaare baam par aane ka nam

dosto us chashm o lab ki kuchh kaho jis ke baghair

gulsitan ki baat rangin hai na mai-KHane ka nam

phir nazar mein phul mahke dil mein phir shamen jalin

phir tasawwur ne liya us bazm mein jaane ka nam

dilbari Thahra zaban-e-KHalq khulwane ka nam

ab nahin lete pari-ru zulf bikhrane ka nam

ab kisi laila ko bhi iqrar-e-mahbubi nahin

in dinon badnam hai har ek diwane ka nam

mohtasib ki KHair uncha hai usi ke faiz se

rind ka saqi ka mai ka KHum ka paimane ka nam

hum se kahte hain chaman wale ghariban-e-chaman

tum koi achchha sa rakh lo apne virane ka nam

'faiz' un ko hai taqaza-e-wafa hum se jinhen

aashna ke nam se pyara hai begane ka nam

(914) Peoples Rate This

Your Thoughts and Comments

Rang Pairahan Ka KHushbu Zulf Lahrane Ka Nam In English By Famous Poet Faiz Ahmad Faiz. Rang Pairahan Ka KHushbu Zulf Lahrane Ka Nam is written by Faiz Ahmad Faiz. Read famous Poem Rang Pairahan Ka KHushbu Zulf Lahrane Ka Nam for youth and Student by Faiz Ahmad Faiz. Free Download Rang Pairahan Ka KHushbu Zulf Lahrane Ka Nam in PDF.