Sharh-e-firaq Madh-e-lab-e-mushkbu Karen

sharh-e-firaq madh-e-lab-e-mushkbu karen

ghurbat-kade mein kis se teri guftugu karen

yar aashna nahin koi Takraen kis se jam

kis dil-ruba ke nam pe KHali subu karen

sine pe hath hai na nazar ko talash-e-baam

dil sath de to aaj gham-e-arzu karen

kab tak sunegi raat kahan tak sunaen hum

shikwe-gile sab aaj tere ru-ba-ru karen

hamdam hadis-e-ku-e-malamat sunaiyo

dil ko lahu karen ya gareban rafu karen

aashufta-sar hain muhtasibo munh na aaiyo

sar bech den to fikr-e-dil-o-jaan adu karen

tar-damani pe shaiKH hamari na jaiyo

daman nichoD den to farishte wuzu karen

(851) Peoples Rate This

Your Thoughts and Comments

Sharh-e-firaq Madh-e-lab-e-mushkbu Karen In English By Famous Poet Faiz Ahmad Faiz. Sharh-e-firaq Madh-e-lab-e-mushkbu Karen is written by Faiz Ahmad Faiz. Read famous Poem Sharh-e-firaq Madh-e-lab-e-mushkbu Karen for youth and Student by Faiz Ahmad Faiz. Free Download Sharh-e-firaq Madh-e-lab-e-mushkbu Karen in PDF.