Sitam Sikhlaega Rasm-e-wafa Aise Nahin Hota

sitam sikhlaega rasm-e-wafa aise nahin hota

sanam dikhlaenge rah-e-KHuda aise nahin hota

gino sab hasraten jo KHun hui hain tan ke maqtal mein

mere qatil hisab-e-KHun-baha aise nahin hota

jahan-e-dil mein kaam aati hain tadbiren na taziren

yahan paiman-e-taslim-o-raza aise nahin hota

har ek shab har ghaDi guzre qayamat yun to hota hai

magar har subh ho roz-e-jaza aise nahin hota

rawan hai nabz-e-dauran gardishon mein aasman sare

jo tum kahte ho sab kuchh ho chuka aise nahin hota

(3772) Peoples Rate This

Your Thoughts and Comments

Sitam Sikhlaega Rasm-e-wafa Aise Nahin Hota In English By Famous Poet Faiz Ahmad Faiz. Sitam Sikhlaega Rasm-e-wafa Aise Nahin Hota is written by Faiz Ahmad Faiz. Read famous Poem Sitam Sikhlaega Rasm-e-wafa Aise Nahin Hota for youth and Student by Faiz Ahmad Faiz. Free Download Sitam Sikhlaega Rasm-e-wafa Aise Nahin Hota in PDF.