Anjam
hain labrez aahon se ThanDi hawaen
udasi mein Dubi hui hain ghaTaen
mohabbat ki duniya pe sham aa chuki hai
siyah-posh hain zindagi ki fazaen
machalti hain sine mein lakh aarzuen
taDapti hain aankhon mein lakh iltijaen
taghaful ki aaghosh mein so rahe hain
tumhaare sitam aur meri wafaen
magar phir bhi ai mere masum qatil
tumhein pyar karti hain meri duaen
Faiz Ahmad Faiz 
(2424) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544