Shorish-e-zanjir Bismillah
hui phir imtihan-e-ishq ki tadbir bismillah
har ek jaanib macha kuhram-e-dar-o-gir bismillah
gali-kuchon mein bikhri shorish-e-zanjir bismillah
dar-e-zindan pe bulwae gae phir se junun wale
darida damanon wale pareshan gesuon wale
jahan mein dard-e-dil ki phir hui tauqir bismillah
hui phir imtihan-e-ishq ki tadbir bismillah
gino sab dagh dil ke hasraten shauqen nigahon ki
sar-e-dariya parastish ho rahi hai phir gunahon ki
karo yaro shumar-e-nala-e-shab-gir bismillah
sitam ki dastan kushta dilon ka majra kahiye
jo zer-e-lab na kahte the wo sab kuchh barmala kahiye
musir hai mohtasib raaz-e-shahidan-e-wafa kahiye
lagi hai harf-e-na-gufta pe ab tazir allah
sar-e-maqtal chalo be-zahmat-e-taqsir bismillah
hui phir imtihan-e-ishq ki tadbir bismillah
Faiz Ahmad Faiz 
(2376) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544