Din Utarte Hi Nai Sham Pahan Leta Hun
din utarte hi nai sham pahan leta hun
main teri yaadon ka ehram pahan leta hun
mere ghar wale bhi taklif mein aa jate hain
main jo kuchh der ko aaram pahan leta hun
raat ko oDh ke so jata hun din-bhar ki thakan
subh ko phir se kai kaam pahan leta hun
jab bhi pardes mein yaad aata hai ghar ka naqsha
main tasawwur mein dar-o-baam pahan leta hun
ek chandi ki anguThi ke hawale se faqat
apni ungli mein tera nam pahan leta hun
'faiz' yun rakhta hun main us ki mohabbat ka bharam
us ke hisse ke bhi ilzam pahan leta hun
Faiz Khalilabadi 
(839) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544