Koi Nam Hai Na Koi Nishan Mujhe Kya Hua
koi nam hai na koi nishan mujhe kya hua
main bikhar gaya hun kahan kahan mujhe kya hua
kise DhunDta hun main apne qurb-o-jawar mein
ai firaq-e-sohbat-e-dostan mujhe kya hua
ye kahan paDa hun zamin ke gard-o-ghubar mein
wo kahan gaya mera aasman mujhe kya hua
koi raat thi koi chand tha kai log the
wo ajab saman tha magar wahan mujhe kya hua
mere ru-ba-ru mujhe main dikhai nahin diya
mere aaine mere raaz-dan mujhe kya hua
Faizi 
(758) Peoples Rate This