Kucha-e-jaanan Mein Ja Nikle Jo Ghilman Bhul Kar
kucha-e-jaanan mein ja nikle jo ghilman bhul kar
yaad ho us ko na phir gulzar-e-rizwan bhul kar
sang-dil be-mehr be-din bewafa samjhe na hum
kar diye sadqe hasinon par dil o jaan bhul kar
bosa-e-abru ko le kar munh pe khai hum ne tegh
kuchh kiya tum ne na pas-e-tegh uryan bhul kar
kar ke tauba qaul hai ab hazrat-e-dil ka yahi
ab kabhi lenge na nam-e-ishq-e-KHuban bhul kar
KHun rulaya umr bhar 'shaukat' firaq-e-yar ne
marte marte bhi na nikla koi arman bhul kar
Fani Badayuni 
(850) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544