Nam Badnam Hai Nahaq Shab-e-tanhai Ka
nam badnam hai nahaq shab-e-tanhai ka
wo bhi ek ruKH hai teri anjuman-arai ka
aa chala hai mujhe kuchh wada-e-farda ka yaqin
dil pe ilzam na aa jae shakebai ka
ab na kanTon hi se kuchh lag na phulon se lagao
hum ne dekha hai tamasha teri ranai ka
donon aalam se guzar kar bhi zamana guzra
kuchh Thikana bhi hai is baadiya-paimai ka
KHud hi betab tajalli hai azal se koi
dekhne ke liye parda hai tamannai ka
lag gai bhiD ye diwana jidhar se guzra
ek aalam ko hai sauda tere saudai ka
phir usi kafir be-mehr ke dar par 'fani'
le chala shauq mujhe nasiya-farsai ka
Fani Badayuni 
(895) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544