Sawal-e-did Pe Tewri ChaDhai Jati Hai
sawal-e-did pe tewri chaDhai jati hai
majal-e-did pe bijli girai jati hai
KHuda ba-KHair kare zabt-e-shauq ka anjam
naqab meri nazar se uThai jati hai
isi ko jalwa-e-iman-e-ishq kahte hain
hujum-e-yas mein bhi aas pai jati hai
ab aa gae ho to aur ek zara Thahar jao
abhi abhi meri mayyat uThai jati hai
mere qayas ko apni talash mein kho kar
mere hawas ko duniya dikhai jati hai
Fani Badayuni 
(769) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544