Wadi-e-shauq Mein Warafta-e-raftar Hain Hum
wadi-e-shauq mein warafta-e-raftar hain hum
be-KHudi kuchh to bata kis ke talabgar hain hum
han abhi be-KHabar-e-lazzat-e-azar hain hum
muzhda ai mashq-e-sitam taza giraftar hain hum
ho gham-e-hasti-e-jawed gawara kyunkar
jaan kya den ki bahut jaan se be-zar hain hum
main ne goya sila-e-mehr-o-wafa bhar paya
kash itna hi wo kah den ki jafakar hain hum
yun to kuchh gham se sarokar na rahat ki talash
gham koi dil ke ewaz de to KHaridar hain hum
wo hai muKHtar saza de ki jaza de 'fani'
Do-ghaDi hosh mein aane ke gunahgar hain hum
Fani Badayuni 
(916) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544