Wo Puchhte Hain Hijr Mein Hai Iztirab Kya
wo puchhte hain hijr mein hai iztirab kya
hairan hun ki dun unhen is ka jawab kya
dil aur wo bhi sirf mera dardmand dil
teri nigah ne ye kiya intiKHab kya
jati nahin KHalish alam-e-rozgar ki
ai aasman hua wo tera inqilab kya
nazzara-e-jamal ki yan tab hi nahin
ai barq-e-husn chahiye tujh ko naqab kya
wada bhi kar lo wada pe yan aa bhi jao tum
ye sab sahi tumhaari nahin ka jawab kya
besh-az-guman KHwab nahin fursat-e-hayat
'fani' tum is KHayal ko samjhe ho KHwab kya
Fani Badayuni 
(988) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544