Kis Se Wafa Ki Hai Umid Kaun Wafa-shiar Hai
kis se wafa ki hai umid kaun wafa-shiar hai
ai mere be-qarar dil kis liye be-qarar hai
sun to rahe hain der se shor bahut bahaar ka
jaane kahan khile hain phul jaane kahan bahaar hai
kyun na tere KHayal mein zamzama-KHwan guzar chalen
yun bhi hamari rah mein gardish-e-rozgar hai
raat se hum nahin udas raat udas hi sahi
raat to subh ke liye waqfa-e-intizar hai
ab bhi mazaq-e-dard se meri shabon mein hai gudaz
mere labon pe aaj bhi naghma-e-husn-e-yar hai
Fareed Javed 
(1230) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544