Abhi Nahin Ki Abhi Mahz Istiara Bana

abhi nahin ki abhi mahz istiara bana

tu yar dast-e-haqiqat mujhe dobara bana

ki bah na jaun main dariya ki rasm-e-ijra mein

qayam de meri miTTi mujhe kinara bana

hum apna aks to chhoD aae the par us ke baad

KHabar nahin ki un aankhon mein kya hamara bana

mujhe jo banna hai ban jaunga KHud apne aap

banane wale mujhe KHub para-para bana

hujum-e-shahr ki jis ki mulazmat mein hun main

mere liye meri tanhai ka idara bana

isi liye to munafea mein hai hawas ka kaam

ki ishq mere liye bais-e-KHasara bana

shikariyon ko khula chhoD dasht-e-mani mein

tu apne lafz ko 'ehsas' mahz ishaara bana

(766) Peoples Rate This

Your Thoughts and Comments

Abhi Nahin Ki Abhi Mahz Istiara Bana In English By Famous Poet Farhat Ehsas. Abhi Nahin Ki Abhi Mahz Istiara Bana is written by Farhat Ehsas. Read famous Poem Abhi Nahin Ki Abhi Mahz Istiara Bana for youth and Student by Farhat Ehsas. Free Download Abhi Nahin Ki Abhi Mahz Istiara Bana in PDF.