Ahl-e-badan Ko Ishq Hai Bahar Ki Koi Chiz
ahl-e-badan ko ishq hai bahar ki koi chiz
bahar kise mili hai magar ghar ki koi chiz
bazar rose aaega jis ghar mein be-daregh
bazar bhi to jaegi us ghar ki koi chiz
qatre ka e'timad bhi kuchh be-sabab nahin
qatre ke pas bhi hai samundar ki koi chiz
aaj us ke lams-e-garm se jaise pighal gai
mujh mein dhaDak rahi thi jo patthar ki koi chiz
sara hujum hai kisi apni talash ka
khoi gai hai shahr mein aksar ki koi chiz
ye hai kisi visal ki hasrat ki KHauf-e-hijr
chubhti hai raat-bhar mujhe bistar ki koi chiz
'ehsas' shairi mein ghulata hai falsafa
har sher arz karta hai jauhar ki koi chiz
Farhat Ehsas 
(824) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544