Charagh-e-shahr Se Sham-e-dil-e-sahra Jalana

charagh-e-shahr se sham-e-dil-e-sahra jalana

aur us ki lau se mahfil-e-KHana-e-duniya jalana

tamashe kya dikhata hai mera barud-e-hasti

tumhein mujh ko jalana hai to phir zinda jalana

baDe suraj bane phirte ho tum ek raat aa kar

zara mera charagh-e-mausam-e-sarma jalana

use mujh se bas itna hi talluq hai ki har raat

charagh-e-jism apna pesh-e-aina jalana

chalo aankhon pe aankhen rakh ke hum ek sath rolen

ye zid chhoDo bahut ab ho gaya jalna jalana

jo har bar apni KHakistar se uTh paDta hai zinda

to hum ne 'farhat-ehsas' ab tujhe chhoDa jalana

(1295) Peoples Rate This

Your Thoughts and Comments

Charagh-e-shahr Se Sham-e-dil-e-sahra Jalana In English By Famous Poet Farhat Ehsas. Charagh-e-shahr Se Sham-e-dil-e-sahra Jalana is written by Farhat Ehsas. Read famous Poem Charagh-e-shahr Se Sham-e-dil-e-sahra Jalana for youth and Student by Farhat Ehsas. Free Download Charagh-e-shahr Se Sham-e-dil-e-sahra Jalana in PDF.