Us Taraf Tu Teri Yaktai Hai
us taraf tu teri yaktai hai
is taraf main meri tanhai hai
do alag lafz nahin hijr o visal
ek mein ek ki goyai hai
hai nishan jang se bhag aane ka
ghar mujhe bais-e-ruswai hai
habs hain mashriq o maghrib donon
ab na pachhwa hai na purwai hai
ghas ki tarah paDe hain hum log
na bulandi hai na gahrai hai
jis bayaban mein hun main aabla-pa
wo bayaban meri sachchai hai
us ki baaton pe KHafa mat hona
'farhat' ehsas to saudai hai
Farhat Ehsas 
(845) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544