Jabin Ka Chand Banun Aankh Ka Sitara Banun

jabin ka chand banun aankh ka sitara banun

kisi jamal-e-shafaq-tab ka sahaara banun

mohabbaton ki shikaston ka ek KHaraba hun

KHudara mujh ko girao ki main dobara banun

ye bhigi bhigi hawaon mein sard sard mahak

jo dil ki aag mein utre to kuchh gawara banun

har ek ghuncha-dahan ka yahi taqaza hai

jamaliyat ka main aaKHiri shumara banun

zamana manzar-e-mauhum ka hai shaidai

ye aarzu hai koi daur ka nazara banun

har ek mauj ho uThti jawaniyon ki dhanak

banun to aise samundar ka main kinara banun

mujhe lagan ki main aaine ki misal rahun

use hawas ki riwayat-e-sang-e-KHara banun

ghazal wo kyun na ho 'farigh' dur-e-adan ki jahan

har ek sher ko zid ho ki shah-para banun

(775) Peoples Rate This

Your Thoughts and Comments

Jabin Ka Chand Banun Aankh Ka Sitara Banun In English By Famous Poet Farigh Bukhari. Jabin Ka Chand Banun Aankh Ka Sitara Banun is written by Farigh Bukhari. Read famous Poem Jabin Ka Chand Banun Aankh Ka Sitara Banun for youth and Student by Farigh Bukhari. Free Download Jabin Ka Chand Banun Aankh Ka Sitara Banun in PDF.