Use Bhulne Ka Sitam Kar Rahe Hain
use bhulne ka sitam kar rahe hain
hum apni aziyyat ko kam kar rahe hain
hamari nigahon se sapne chura kar
wo kis ki nigahon mein zam kar rahe hain
hayat-e-rawan ki har ek na-rawai
hum apne lahu se raqam kar rahe hain
bhali kyun lage hum ko KHushiyon ki dastak
abhi hum mohabbat ka gham kar rahe hain
kise dukh sunaen sabhi to yahan par
shumar apne apne alam kar rahe hain
suKHan ko siyasat ka zina dikha kar
tamasha ye ahl-e-qalam kar rahe hain
Fariha Naqvi 
(1215) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544