Aankh Ho Aur Koi KHwab Na Ho

aankh ho aur koi KHwab na ho

nazil aisa kahin azab na ho

kuchh to mahfuz rakhiye sine mein

zindagani khuli kitab na ho

sarf kije na is qadar KHud ko

lakh chaho to phir hisab na ho

is liye kaTta hun ye ghaDiyan

waqt ki chaal kaamyab na ho

gunj kaisi hai kohsaron mein

ye kisi chiKH ka jawab na ho

kya chamakta hai tapte sahra mein

dekh chhu kar kahin ye aab na ho

ye jalan piTh mein hai kyun 'faruq'

pusht par teri aaftab na ho

(848) Peoples Rate This

Your Thoughts and Comments

Aankh Ho Aur Koi KHwab Na Ho In English By Famous Poet Farooq Engineer. Aankh Ho Aur Koi KHwab Na Ho is written by Farooq Engineer. Read famous Poem Aankh Ho Aur Koi KHwab Na Ho for youth and Student by Farooq Engineer. Free Download Aankh Ho Aur Koi KHwab Na Ho in PDF.