Naqsh AaKHir Aap Apna Hadisa Ho Jaega

naqsh aaKHir aap apna hadisa ho jaega

aur tai wahm-o-yaqin ka marhala ho jaega

gunj uTThenge dar-o-diwar apne karb se

lafz jo tishna hai mani-ashna ho jaega

jism bhi pighlenge sae bhi na Thahrenge kahin

jaane kab ye sabz manzar bhi hawa ho jaega

log sab us ki kahani jaan lenge harf harf

aur wo KHush-posh khul kar be-rida ho jaega

peD uglenge syahi ka samundar dekhna

mausam-e-KHush-rang 'muztar' zaKHm-e-pa ho jaega

(721) Peoples Rate This

Your Thoughts and Comments

Naqsh AaKHir Aap Apna Hadisa Ho Jaega In English By Famous Poet Farooq Muztar. Naqsh AaKHir Aap Apna Hadisa Ho Jaega is written by Farooq Muztar. Read famous Poem Naqsh AaKHir Aap Apna Hadisa Ho Jaega for youth and Student by Farooq Muztar. Free Download Naqsh AaKHir Aap Apna Hadisa Ho Jaega in PDF.