اور میں چپ رہا
میرے ہاتھوں سے میری چتا بن گئی
میرے کاندھوں پہ میرا جنازہ اٹھا
نوک مژگان سے قرطاس ایام پر
میرے خوں سے مرا نام لکھا گیا
اور میں چپ رہا
میرے بازار کوچے مرے بام و در
میری ناداریوں سے سجائے گئے
میرے افکار میری متاع ہنر
میری محرومیوں سے بسائے گئے
اور میں چپ رہا
میری تقدیر کا جو بھی خاکہ بنا
پیلے موسم کے پتوں پہ لکھا گیا
میری تصویر مجھ سے چھپائی گئی
مجھ کو نادیدہ خوابوں میں دیکھا گیا
اور میں چپ رہا
میرے الفاظ معنی کی تلوار سے
سر بریدہ ہوئے گنگناتے رہے
میرے نغمے گداؤں میں بانٹے گئے
برگزیدہ ہوئے گنگناتے رہے
اور میں چپ رہا
مجھ سے میری تمنا کے گل چھین کر
زرد موسم نے جشن بہاراں کیا
برف میرے نشیمن پہ آ کے گری
دھوپ نکلی تو اس کو ہراساں کیا
اور میں چپ رہا
میرے سر سبز جنگل اجاڑے گئے
میری جھیلوں میں اجگر بسائے گئے
کوہ ماراں کی تقدیس لوٹی گئی
بے حسی کے مقابر سجائے گئے
اور میں چپ رہا
(1150) ووٹ وصول ہوئے
Aur Main Chup Raha In Urdu By Famous Poet Farooq Nazki. Aur Main Chup Raha is written by Farooq Nazki. Enjoy reading Aur Main Chup Raha Poem on Inspiration for Students, Youth, Girls and Boys by Farooq Nazki. Free Dowlonad Aur Main Chup Raha by Farooq Nazki in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends