Use Samjha-bujha Ke Hum To Haare
use samjha-bujha ke hum to haare
na aaya dil ye qabu mein hamare
sun ai ghafil jaras kya kah raha hai
paDa rah tu hum apni rah sudhaare
koi aata nahin ho jab madad ko
siwa us ke koi kis ko pukare
hifazat karte hain hum shahr-e-dil ki
kahin sote koi shab-KHun na mare
samundar kyun hua tu itna khaari
koi roya tha kya tere kinare
Farrukh Jafari 
(7801) Peoples Rate This