Kisi Ke Samne Is Tarah SurKH-ru Hogi
kisi ke samne is tarah surKH-ru hogi
nigah KHun-e-tamanna se ba-wazu hogi
ba-roz-e-hashr khaDe honge munsifi ke liye
KHuda mila to muqabil se guftugu hogi
tamam umr ke zaKHmon ka hai hisab kitab
hamari fard-e-amal bhi lahu lahu hogi
qaba-e-zist jo hai KHarzar-e-hasti mein
wo kis ke sozan-e-tadbir se rafu hogi
hamin pe KHatm hain jaur-o-sitam zamane ke
hamare baad use kis ki aarzu hogi
Fasih Akmal 
(800) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544