Kahani Ho Koi Bhi Tera Qissa Ho Hi Jati Hai

kahani ho koi bhi tera qissa ho hi jati hai

koi taswir dekhun tera chehra ho hi jati hai

teri yaadon ki lahren gher leti hain ye dil mera

zamin ghir kar samundar mein jazira ho hi jati hai

gai shab chand jaisa jab chamakta hai KHayal us ka

tamanna meri ek chhoTa sa bachcha ho hi jati hai

saja hai taj mere sar pe lekin ye nazar meri

jo us ki samt jati hai to kasa ho hi jati hai

jatan karta hun kitne rok lun sailab aankhon mein

magar tamir meri ye shikasta ho hi jati hai

ye socha hai ki tujh ko sochna ab chhoD dunga main

ye laghzish mujh se lekin be-irada ho hi jati hai

jo hai 'fayyaz' us ko dekh kar mabhut hairat kya

taDapti hai jo bijli aankh KHira ho hi jati hai

(790) Peoples Rate This

Your Thoughts and Comments

Kahani Ho Koi Bhi Tera Qissa Ho Hi Jati Hai In English By Famous Poet Fayyaz Farooqi. Kahani Ho Koi Bhi Tera Qissa Ho Hi Jati Hai is written by Fayyaz Farooqi. Read famous Poem Kahani Ho Koi Bhi Tera Qissa Ho Hi Jati Hai for youth and Student by Fayyaz Farooqi. Free Download Kahani Ho Koi Bhi Tera Qissa Ho Hi Jati Hai in PDF.