Bisat-e-danish-o-harf-o-hunar Kahan Kholen

bisat-e-danish-o-harf-o-hunar kahan kholen

ye sochte hain lab-e-mo'tabar kahan kholen

ajab hisar hain sab apne gird khinche hue

wajud ki wahi diwar dar kahan kholin

paDaw Dalen kahan raste mein sham hui

bhanwar hain samne raKHt-e-safar kahan kholen

yahan shuur ke naKHun to hum bhi rakhte hain

magar ye uqda-e-fikr-o-nazar kahan kholen

na is ke sath hamara bhi mol hone lage

hain kashmakash mein ki musht-e-guhar kahan kholen

hawa hai tez na is ke waraq uDa le jae

sahifa-e-nafas-e-muKHtasar kahan kholen

bachaen aabru jismon ki bhiD mein kaise

hai kholni girah-e-jaan magar kahan kholen

koi 'faza' to mile hum ko qabil-e-parwaz

ab in hadon mein bhala baal-o-par kahan kholen

(910) Peoples Rate This

Your Thoughts and Comments

Bisat-e-danish-o-harf-o-hunar Kahan Kholen In English By Famous Poet Faza Ibn E Faizi. Bisat-e-danish-o-harf-o-hunar Kahan Kholen is written by Faza Ibn E Faizi. Read famous Poem Bisat-e-danish-o-harf-o-hunar Kahan Kholen for youth and Student by Faza Ibn E Faizi. Free Download Bisat-e-danish-o-harf-o-hunar Kahan Kholen in PDF.