Tumne Puchha Hai To Ahwal Bata Dete Hain
tum ne puchha hai to ahwal bata dete hain
warna chehre bhi mah-o-sal bata dete hain
ruh ka haal bhi ai kash batae koi
dil ki haalat to KHad-o-KHal bata dete hain
ab marasim bhi bisaton pe saje mohre hain
kaun si kis ne chali chaal bata dete hain
kis mein ab kitni uDanon ki sakat baqi hai
har parinde ke par-o-baal bata dete hain
dil ke ghunche bhi the masum hamare jaise
kis ke hathon hue pamal bata dete hain
hakim-e-waqt ko kis kis ne salami di hai
kis ki tali mein hai sur-tal bata dete hain
ghar ki diwar se girte hue roghan ki tarah
ab meri umr mere baal bata dete hain
Fazil Jamili 
(1579) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544