SuKHan Jo Usne Kahe The Girah Se Bandh Liye
suKHan jo us ne kahe the girah se bandh liye
KHayal usi ke the sau sau tarah se bandh liye
wo ban-sanwar ke nikalti to chheDti thi saba
phir us ne baal hi apne saba se bandh liye
mile baghair wo hum se bichhaD na jae kahin
ye waswase bhi dil-e-mubtala se bandh liye
hamare dil ka chalan bhi to koi Thik nahin
kahan ke ahd kahan ki faza se bandh liye
wo ab kisi bhi wasile se hum ko mil jae
so hum ne apne irade dua se bandh liye
main ek thaka hua insan aur kya karta
tarah tarah ke tasawwur KHuda se bandh liye
Fazil Jamili 
(1232) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544