Dayar-e-KHwab Ko Niklunga Sar UTha Kar Main

dayar-e-KHwab ko niklunga sar uTha kar main

ki shad rahta hun ranj-e-safar uTha kar main

charagh jal na sakega jo us ki aankhon mein

dharunga us ko kisi taq par uTha kar main

suna hai taKHt muqaddar se hath aata hai

KHajil hun rahat-e-tegh-o-sipar uTha kar main

chale jo sarw-o-saman mein bhi sath chal dunga

khaDa rahunga na bar-e-samar uTha kar main

tere bahisht mein dil lag nahin raha mera

ki sath la nahin paya hun ghar uTha kar main

ulajh raha ho agar ghair ki nigahon se

lapeT leta hun tar-e-nazar uTha kar main

alag nahin hun main apni tarah ke logon se

paDa hun zahmat-e-diwar-o-dar uTha kar main

nahin sununga nasihat kisi siyane ki

rahunga tohmat-e-nau-e-bashar uTha kar main

yaqin kaise nahin aaega unhen mujh par

wafa mein fard hun KHauf-o-KHatar uTha kar main

kahin visal ki surat agar dikhai di

nikal paDunga na sham-e-sahar uTha kar main

kisi pari ke tasawwur mein chum leta hun

kisi gulab ko bar-e-digar uTha kar main

bahut hain chahne wale mere jahan-bhar mein

girafta dil nahin bar-e-hunar uTha kar main

makan chhoD to dun us hasin ke kahne par

gali mein launga kya kya magar uTha kar main

mujhe wo taish dilate rahe agar 'sajid'

to gundh dunga ye sara nagar uTha kar main

(15803) Peoples Rate This

Your Thoughts and Comments

Dayar-e-KHwab Ko Niklunga Sar UTha Kar Main In English By Famous Poet Ghulam Husain Sajid. Dayar-e-KHwab Ko Niklunga Sar UTha Kar Main is written by Ghulam Husain Sajid. Read famous Poem Dayar-e-KHwab Ko Niklunga Sar UTha Kar Main for youth and Student by Ghulam Husain Sajid. Free Download Dayar-e-KHwab Ko Niklunga Sar UTha Kar Main in PDF.