Sab Rang Na-tamam Hon Halka Libas Ho
sab rang na-tamam hon halka libas ho
shaffaf paniyon pe kanwal ka libas ho
ashkon se bun ke marsiya pahna diya gaya
ab zindagi ke tan pe ghazal ka libas ho
har ek aadmi ko mile KHilat-e-bashar
har ek jhonpaDi pe mahal ka libas ho
sun le jo aane wale zamane ki aahaTen
kaise kahe ki aaj bhi kal ka libas ho
ya rab kisi sadi ke ufuq par Thahar na jae
ek aisi subh jis ka dhundalka libas ho
ujla rahega sirf mohabbat ke jism par
sadiyon ka pairahan ho ki pal ka libas ho
Ghulam Mohammad Qasir 
(1025) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544