Soe Hue Jazbon Ko Jagana Hi Nahin Tha
soe hue jazbon ko jagana hi nahin tha
ai dil wo mohabbat ka zamana hi nahin tha
mahke the charagh aur dahak uTThi thin kaliyan
go sab ko KHabar thi use aana hi nahin tha
diwar pe wadon ki amar-bel chaDha di
ruKHsat ke liye aur bahana hi nahin tha
uDti hui chingariyan sone nahin detin
ruThe hue is KHat ko jalana hi nahin tha
ninden bhi nazar band hain tabir bhi qaidi
zindan mein koi KHwab sunana hi nahin tha
pani to hai kam naql-e-makani hai zyaada
ye shahr sarabon mein basana hi nahin tha
Ghulam Mohammad Qasir 
(920) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544