Sote Hain Wo Aaina Le Kar KHwabon Mein Baal Banate Hain
sote hain wo aaina le kar KHwabon mein baal banate hain
sada se parinde ki KHatir kya reshmi jal banate hain
ummid ki sukhti shaKHon se sare patte jhaD jaenge
is KHauf se apni taswiren hum sal-ba-sal banate hain
zaKHmon ko chhupane ki KHatir kapDe hi badalna chhoD diya
puchho to sahi hum kis ke liye apna ye haal banate hain
wo bolti aankhen milte hi jhuk jati hain KHamoshi se
hum un ke jawab se phir apna ek aur sawal banate hain
Ghulam Mohammad Qasir 
(851) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544