Hisar-e-jism Mera ToD-phoD Dalega
hisar-e-jism mera toD-phoD Dalega
zarur koi mujhe qaid se chhuDa lega
bana ke jis ne mujhe shahkar pesh kiya
hazar KHamiyan mujh mein wahi nikalega
main apni jaan hatheli pe rakh ke chalta hun
koi bahut se bahut mujh se aur kya lega
ruke hue hain kai karwan lab-e-dariya
ki jaise aage koi rasta nikalega
ek ajnabi ke lahu par tha sab ka haq 'rahi'
suna hai shahr ka har shaKHs KHun-baha lega
Ghulam Murtaza Rahi 
(665) Peoples Rate This