Kis Naz Se Wah Hum Ko Mara

kis naz se wah hum ko mara

ki tirchhi nigah hum ko mara

sau pech mein la ke aaKHir-e-kar

ai zulf-e-siyah hum ko mara

KHwahinda tere the ai pari hum

kyun KHwah-na-KHwah hum ko mara

kabe ko jo hum chale buton ne

kah kar gumrah hum ko mara

shikwa hamein kuchh nahin falak se

tu ne ai mah hum ko mara

chah-e-zaqan-e-sanam dikha kar

tu ne ai chah hum ko mara

aise hain zaif mar gae hum

jis ne par-e-kah hum ko mara

us ki zulf-e-daraaz ne shab

qissa-e-kotah hum ko mara

shamshir-e-nigah se us ne be-maut

KHaliq hai gawah hum ko mara

bose ki talab mein us ne 'goya'

na-karda-gunah hum ko mara

(537) Peoples Rate This

Your Thoughts and Comments

Kis Naz Se Wah Hum Ko Mara In English By Famous Poet Goya Faqir Mohammad. Kis Naz Se Wah Hum Ko Mara is written by Goya Faqir Mohammad. Read famous Poem Kis Naz Se Wah Hum Ko Mara for youth and Student by Goya Faqir Mohammad. Free Download Kis Naz Se Wah Hum Ko Mara in PDF.