ToD Kar Shisha-e-dil Ko Mere Barbaad Na Kar

toD kar shisha-e-dil ko mere barbaad na kar

is tarah mujh pe sitam ai sitam-ijad na kar

ye nigah lutf ki hai is se na kar qatl mujhe

chashm-e-jaan-baKHsh ko yun KHanjar-e-jallad na kar

ru-e-raushan ki kabhi did mujhe bhi dide

rah ke poshida mujhe muztar-o-nashad na kar

tere hi dil ka agar gosha qafas hai sayyaad

phir to hargiz mujhe is qaid se aazad na kar

jab yahan sunta nahin teri fughan koi 'guhar'

maslahat jaan KHamoshi hi mein fariyaad na kar

(800) Peoples Rate This

Your Thoughts and Comments

ToD Kar Shisha-e-dil Ko Mere Barbaad Na Kar In English By Famous Poet Guhar Khairabadi. ToD Kar Shisha-e-dil Ko Mere Barbaad Na Kar is written by Guhar Khairabadi. Read famous Poem ToD Kar Shisha-e-dil Ko Mere Barbaad Na Kar for youth and Student by Guhar Khairabadi. Free Download ToD Kar Shisha-e-dil Ko Mere Barbaad Na Kar in PDF.