Dil Ke Hathon Kahin Duniya Mein Guzara Na Raha

dil ke hathon kahin duniya mein guzara na raha

hum kisi ke na rahe koi hamara na raha

sabr ai dil ki ye haalat nahin dekhi jati

Thahar ai dard ki ab zabt ka yara na raha

yun to ab bhi hai wahi ranj wahi mahrumi

wo jo ek teri taraf se tha ishaara na raha

aur to kya tha unhen apna samajhne ke siwa

wo bhi ab ishq ki ghairat ko gawara na raha

chhin gai aaKHiri ummid bhi dil se 'ashar'

ye sahaara hai ki ab koi sahaara na raha