Jis Ko Dekho Sham-sawere Be-kal Hai
jis ko dekho sham-sawere be-kal hai
shahr hamara aawazon ka jangal hai
diwana hai aur kisi ka shaKHs wahi
jis ke pichhe tu barson se pagal hai
pag phera ek bar hua tha bas us ka
basti sari us din se hi ghayal hai
sanjida sa rahne wala ek paikar
hum ne dekha hai nadiya sa chanchal hai
pyasi dharti dekh ke Thahra hai lekin
barsega kab bhara hua jo baadal hai
luT jaane ka rahta hai Dar aaTh-pahr
ye basti hai ya chambal ka jangal hai
is yug mein bhi prem ki baaten karta hai
diwana hai 'kaifi' ya phir pagal hai
Habeeb Kaifi 
(817) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544