Tujhse Ummid Kya Laga BaiThe
tujh se ummid kya laga baiThe
apna sab kuchh hi hum ganwa baiThe
sun ke us ne hansi uDai hai
dastan kis ko hum suna baiThe
kuchh na sujha to is andhere mein
KHud ko chupke se hum jala baiThe
us ki aawaz ka karishma hai
jadu rag rag mein jo jaga baiThe
hairaton ka hujum umDa hai
wo bhi jab pas mere aa baiThe
wo jo chahe to ek hi pal mein
phul patthar mein bhi khila baiThe
kuchh pata bhi nahin chala hum ko
aankh se dil mein kab sama baiThe
Habeeb Kaifi 
(893) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544