Sab Mein Hun Phir Kisi Se Sarokar Bhi Nahin

sab mein hun phir kisi se sarokar bhi nahin

ghafil agar nahin hun to hoshyar bhi nahin

qimat agar wo dete hain takrar bhi nahin

kuchh hum ko dil ke dene mein inkar bhi nahin

nisbat hai jism o ruh ki allah-re ittihad

subha agar nahin hai to zunnar bhi nahin

baiTha hun us ki yaad mein bhula hun ghair ko

zahid agar nahin hun riya-kar bhi nahin

jaen wo qatl-e-ghair ko hum rashk se maren

aisi to apni jaan se bezar bhi nahin

aana ho aao warna ye kah do na aaenge

sun lo ye do hi baaten hain tumar bhi nahin

sauda tamam ho gaya bazar uTh gaya

wo dil bhi ab nahin wo KHaridar bhi nahin

tarz-e-jafa bhi bhul gai kya wafa ke sath

dil-dar gar nahin ho dil-azar bhi nahin

lenge hazar dar se palaT kar dar-e-murad

munim na den to kya teri sarkar bhi nahin

bhejenge hasb-e-haal unhen go na likh saken

kya daman aur dida-e-KHun-bar bhi nahin

bulbul chaman ko dekh KHizan ke sitam ko dekh

gul ka to zikr kya hai kahin KHar bhi nahin

aazad hain sharab ke aadi nahin 'habib'

ahbab gar pilaen to inkar bhi nahin

(740) Peoples Rate This

Your Thoughts and Comments

Sab Mein Hun Phir Kisi Se Sarokar Bhi Nahin In English By Famous Poet Habeeb Musvi. Sab Mein Hun Phir Kisi Se Sarokar Bhi Nahin is written by Habeeb Musvi. Read famous Poem Sab Mein Hun Phir Kisi Se Sarokar Bhi Nahin for youth and Student by Habeeb Musvi. Free Download Sab Mein Hun Phir Kisi Se Sarokar Bhi Nahin in PDF.