Nazar Nazar Mein Liye Tera Pyar Phirte Hain
nazar nazar mein liye tera pyar phirte hain
misal-e-mauj-e-nasim-e-bahaar phirte hain
tere dayar se zarron ne raushni pai
tere dayar mein hum sogwar phirte hain
ye hadisa bhi ajab hai ki tere diwane
lagae dil se gham-e-rozgar phirte hain
liye hue hain do aalam ka dard sine mein
teri gali mein jo diwana-war phirte hain
bahaar aa ke chali bhi gai magar 'jalib'
abhi nigah mein wo lala-zar phirte hain
Habib Jalib 
(2594) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544