Wo Dekhne Mujhe Aana To Chahta Hoga
wo dekhne mujhe aana to chahta hoga
magar zamane ki baaton se Dar gaya hoga
use tha shauq bahut mujh ko achchha rakhne ka
ye shauq auron ko shayad bura laga hoga
kabhi na hadd-e-adab se baDhe the dida o dil
wo mujh se kis liye kisi baat par KHafa hoga
mujhe guman hai ye bhi yaqin ki had tak
kisi se bhi na wo meri tarah mila hoga
kabhi kabhi to sitaron ki chhanw mein wo bhi
mere KHayal mein kuchh der jagta hoga
wo us ka sada o masum walehana-pan
kisi bhi jug mein koi dewta bhi kya hoga
nahin wo aaya to 'jalib' gila na kar us ka
na-jaane kya use darpesh masala hoga
Habib Jalib 
(2551) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544