Nam Kya Lun

ek aurat jo mere liye muddaton

shama ki tarah aansu bahati rahi

meri KHatir zamane se munh moD kar

mere hi pyar ke git gati rahi

mere gham ko muqaddar banae hue

muskuraati rahi

us ke gham ki kabhi main ne parwa na ki

us ne har haal mein nam mera liya

chhin kar us ke honTon ki main ne hansi

teri dahliz par apna sar rakh diya

tu ne meri tarah mera dil toD kar

mujh pe ehsan kiya