Nannhi Ja So Ja
jab dekho to pas khaDi hai nannhi ja so ja
tujhe bulati hai sapnon ki nagri ja so ja
ghusse se kyun ghur rahi hai main aa jaunga
kah jo diya hai tere liye ek guDiya launga
gai na zid karne ki aadat teri ja so ja
nannhi ja so ja
in kale darwazon se mat lag ke dekh mujhe
uD jati hai nind aankhon se pa kar pas tujhe
mujh ko bhi sone de meri pyari ja so ja
nannhi ja so ja
kyun apnon aur beganon ke shikwe karti hai
kyun aankhon mein aansu la kar aahen bharti hai
rone se kab raat kaTi hai dukh ki ja so ja
nannhi ja so ja
Habib Jalib 
(1925) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544