Zaban Pe Harf-e-shikayat Are Maaz-allah
zaban pe harf-e-shikayat are maaz-allah
mujhe tere sitam-e-sabr-azma ki qasam
bas ek nigah-e-karam ka umid-war hun main
jafa-shiar tujhe meri iltija ki qasam
tu hai bahaar to daman mera ho kyun KHali
ise bhi bhar de gulon se tujhe KHuda ki qasam
ghazab ki chheD hai 'hadi' ye aur kya kahiye
wo kha rahe hain mere tark-e-muddaa ki qasam
Hadi Machlishahri 
(706) Peoples Rate This