AaKHir Ek Din Shad Karoge
aaKHir ek din shad karoge
mera ghar aabaad karoge
pyar ki baaten wasl ki raaten
yaad karoge yaad karoge
kis dil se aabaad kiya tha
kis dil se barbaad karoge
main ne apni qimat kah di
tum bhi kuchh irshad karoge
zar ke bando aql ke andho
tum kya mujh ko shad karoge
jab mujh ko chup lag jaegi
phir tum bhi fariyaad karoge
aur tumhein aata hi kya hai
koi sitam ijad karoge
tang aa kar ai banda-parwar
bande ko aazad karoge
mere dil mein basne walo
tum mujh ko barbaad karoge
husn ko ruswa kar ke marunga
aaKHir tum kya yaad karoge
hashr ke din ummid hai naseh
tum meri imdad karoge
Hafeez Jalandhari 
(1024) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544