Yaad Hai Pahle-pahal Ki Wo Mulaqat Ki Baat
yaad hai pahle-pahal ki wo mulaqat ki baat
wo maze din ke na bhule hain na wo raat ki baat
kabhi masjid mein jo waiz ka bayan sunta hun
yaad aati hai mujhe pir-e-KHarabaat ki baat
yaad piri mein kahan ab wo jawani ki tarang
subh hote hi hamein bhul gai raat ki baat
shaiKH-ji majma-e-rindan mein nasihat kaisi
kaun sunta hai yahan qibla-e-hajat ki baat
hae phir chheD diya zikr adu ka tum ne
phir nikali na wahi tark-e-mulaqat ki baat
jab liya ahd-e-shab-e-wasl kaha us ne 'hafiz'
subh ko yaad rahegi ye hamein raat ki baat
Hafeez Jaunpuri 
(909) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544